ഗ്രാമ പഞ്ചായത്തിന്റെ ചരിത്രം
തൃശ്ശൂർ ജില്ലയിലെ കുന്നംകുളം താലൂക്കിൽ 13.47 ച.കി.മീ വിസ്തൃതിയിൽ 14 വാർഡുകളിലായി സ്ഥിതി ചെയ്യുന്ന പോർക്കുളം ഗ്രാമപഞ്ചായത്ത് പ്രകൃതിഭംഗിയാലും സാംസ്കാരിക പൈതൃകത്താലും സമ്പന്നമായ ഒരു പ്രദേശമാണ്. വംശനാശഭീഷണി നേരിടുന്ന അത്യപൂർവ്വമായ 'കുളവെട്ടി' സസ്യത്തിന്റെ സാന്നിധ്യം, മനോഹരമായ നരിമട കുന്നുകൾ, പ്രാചീന ഗുഹകളുള്ള വേദക്കാട് എന്നിവ ഇവിടുത്തെ പ്രധാന സവിശേഷതകളാണ്. കേരളത്തിൽ ആദ്യമായി ശാസ്ത്രീയ പുരാവസ്തു ഖനനം നടന്ന പ്രദേശം കൂടിയായ പോർക്കുളം, വിനോബാജിയുടെ ഭൂദാന പ്രസ്ഥാനത്തിലും സ്വാതന്ത്ര്യ സമരത്തിലും സജീവ പങ്കുവഹിച്ചിട്ടുണ്ട്. പതിനെട്ടര കവികളിലെ പട്ടേത്തിരി, ദീർഘകാലം പഞ്ചായത്ത് പ്രസിഡന്റായിരുന്ന പ്രശസ്ത സാഹിത്യകാരൻ സി.വി. ശ്രീരാമൻ, ഐപ്പ് പാറമേൽ, പ്രശസ്ത കവി റഫീഖ് അഹമ്മദ് തുടങ്ങിയ പ്രതിഭകളുടെ സാന്നിധ്യം കൊണ്ട് സാംസ്കാരിക ഭൂപടത്തിൽ ഈ ഗ്രാമത്തിന് സവിശേഷമായ സ്ഥാനമുണ്ട്.
കൂടുതൽ വായിക്കുകവാർത്തകളും ലേഖനങ്ങളും
October 24, 2026
പേവിഷബാധ വിമുക്ത കേരളം
പോർക്കുളം ഗ്രാമ പഞ്ചായത്തിലെ വളർത്തുനായ്ക്കൾക്കുള്ള സമഗ്ര പേവിഷബാധ പ്രതിരോധ കുത്തിവെയ്പ്പ് ക്യാമ്പ് ഉദ്ഘാടനം 24/10/2026 ശനിയാഴ്ച രാവിലെ പത്തു മണിക്ക് പോർക്കുളം മൃഗാശുപത്രിയിൽ വെച്ച് ബഹുമാനപ്പെട്ട പഞ്ചായത്ത് പ്രസിഡൻ്റ് ശ്രീ. കെ .എ ജ്യോതിഷ് നിർവഹിക്കുന്നു.